لو موظفة بتروحي تطبخي كل يوم
الضيوف بيطبو عليكي فجأة وتسيبيهم عل ما تفكري هتعملي ايه؟
طب ما تيجي نفكر سوا نجهز ايه ف تلاجتنا
اولا اللحوم
*الاسماك
خليها متبلة جاهزة عل القلي ف الفريزر
*لحمة معصجة
للباشمل_مصقعة_حشوات
بيتزا_بطاطس بيوريه____
*لحمة مفرومة متبلة للكفتة
*فراح متبلة
للشوي_للفرن ببصل وطماطم_لكنتاكي
*سوسيس
*برجر
*لحمة متبلة نية
بوفتيك_بيكاتا
*لحمة مسلوقة بشربة تقيلة
*طماطم مضروبة ومغلية عشان متخدش وقت
*ملوخية
جاهزة عل التقلية
*بصلة مصفراها وعليها طماطم او صلصة
عل تدقليبها مع الخضارواللحمة المسلوقة عندك
*خضار مجهز للطبخ
*توم مفروم
المشروبات فراولة معصورة ومانجو ومشمش
للتسهيل الطبخ علينا جميعا سواء موظفين او ربه منزل
اولا تعملي طماطم مع بصل مع ثوم بلخلاط وتسويهم وتعمليهم اكياس بلفريزر
دي للطبيخ هتطبخي بسله تخدي كيس وتضفيها عليه بطاطس برضو كيس وتضيفي
وبكره طبيخ صابح يومي وبدقائق ومن دون مجهود
عندك بلفريزر بطاطس نصف مقليه بيتي علي ايدك ازاي
تقطعي البطاطس وتنقيها في ماء وملح فتره وتسخني الزيت وتحطي البطاطس ثواني
يعني دقيقه مش تستوي وتحطيها علي ورق يشرب الزيت منها ولما تبرض تحطيها بلفريزر وبكده في اي وقت في ثواني تحمري بطاطس في سواني معدوده
عندك كمان بلفريزر بانيه وبفتيك لحم متبل ومعمول بدقيق وبيض وبقسمات وجاهز للقلي
كمان ممكن تعملي بيوم الاجازه مكرونه باشميل علي الاقل صنيتين بلفريزرومجربه عمررر طعمها مبتغير بتحطيها بلفريزر وتطلعي علي الفرن علي طول بس من غير متفكيها وهيا مجمده وكذالك الرقاق بلحم المفروم برضو في الفريزر جاهز للفرن هو مجمد
الحجات دي مش هتاخد منك تجهير غير سعتين كل اسبوع وهتسهل عليكي تحضير الاكل كتيرررر
*أعملي كفتة ارز وحمريها وحطيها في الفريزر وخلي كمان الصلصة متقلية يادوب تسيحي الصلصة وتحطي فيها الكفتة
*كمان ممكن تلفي سمبوسك وتحطيها في طبق فويل وتبقى يدوب على التحميربس
*كمان ممكن تعملي كفتو وتلفيها بالبض والبقسماط وتحكيها في فويل وتطلعيها على التحمير
ممكن تعملى كيكة اسفنجية وتحتفظ فى الفريزر وتطلعيها وبعد ساعتين ممكن بكريمة مخفوقة تحشيها وتزينيها ويكون عندك تورتة سريعة كصنف حلو
علي فكرة ممكن تحشي المحشي وتشيلي ف حلته ف الفريزر
وقت ما تطلعيه تسيبيه يفك خالص وتحطيه ع النار من غير شوربة يشرب ميته ثم ضيفي الشوربة عادي
ممكن تحشى ممبار ويسلق ثم يوضع فى الفريز وعند الظروف يقلى0
ويحشى حمام ويسلق ويوضع فى الفريز وعند اللزوم يشوح فى الزيت والسمن0
ويجهز الجمبرى ويتبل بالخلطة وعند اللزوم يقلى او يوضع فى الفرن مع الارز
او الشاورمة اذا كانت دجاج او لحمة تتبل وعند الضرورة بتطهى فى دقائق 00
وممكن الملوخية تطهى عادى ماعدا التقلية وعند الضرورة تعمل التقلية
تنقع اللوبيا اوالفاصوليا وتسيبهايوم وبعدين تسلقها كلها وتحطهم فاكياس فالفريزر كل كيس على قدالطبخه وساعت الطبيخ تطلعه وتحط عليه التسبيكه
ممكنن نحضر كانيلونى فى دقايق وعيش بالحمة بالعيش الجاهز واللحم المعصجة ونغطيه ونضعه فى الفرن مدة بسيطة
اما المشروبات اعملى كركديه مركز وضعيه فى قالب التاج وعند اللزوم ضعى المكعب فى الكاس مع شوية ماء ولا تقلبيه الا امام الضيوف .. اللسان عصفور .. حمري كمية وأفرديها ع ورق نشاف ثم في علبه محكمة الغلق في التلاجة الرف تحت الفريزر ..
الطماطم .. هاتي الطرية واسقطيها فمية بتغلي دقيقتين وشيلها قشريها وأضربيها فالخلاط وإديها غلوة ع النار (أو اغسليها وحطيها تغلي كويس ثم أضربيها فالخلاط وصفيها .. الأسهل أعمليه) وحطيها فعلبه بلاستيك فالرف تحت الفريزر تاخدي منها بكبشة ناشفة ... هاتعد معاكي من اسبوع لعشر ايام فالتلاجة .. وبكده ممكن تحضري شوربة اللسان عصفور فثواني.
ثوم تتبيل السمك إعملي كمية كبيرة بس بدون ليمون أو خل وحطيها فبرطمان زجاج وعلي الفريزر وقت اللزوم طلعي بمعلقة ناشفة المقدار المطلوب واعصري عليه الليمون وتبلي بيه السمك.
اتمنى الموضوع يعجبكم وتستفيدو منه ببعض الافكار واللى عندها افكار ياريت ماتبخلش علينا بيها لتعم الفائدةومش للموظين فقط ممكن تعملى الحاجات دى لترتاحى بعد كدة او لزيارة ضيوف مفجأه
يسعدنس ان اكون اول رد على موضوعك
موضوعك بجد جميل جدا وفي حاجات كتييييييييييييير اوي باعملها ذي ما بتقولي وده بيسهل كتيييييير اوي
بصي بقا اكمل لك شويه من عندي
الخضار اللي موجود ف السوق ( كوسة -فاصوليا -بسله -جزر-الفلفل) يتوضب وبقطعه وفي اكياس في الفريزرعلى قد الطبخة
.وممكن كمان لما نسلق الفراخ او اللحم نشيل اكياس فيها شوربه ف الفريزر و كمان الكبدة تتبل وتستوي علشان الفايدة مش تضيع منها وفي طبق فويل ف تافريزر ونطلعها قبل الاكل مدة كافيه ونحطها فوق المكرونه وهي سخنة علشان تتقدم سخنة(باعمل كده مع السمك البايت احطه فوق الارز وازود الارز معلقتين ميه ونغطيه وعلى نار واطيه)
لما يكون فى رزبايت او مش حيتاكل دلوقتي في كيس فى الفريزر وعند اللزوم يوضع في حلة وهو مجمد ونوطي النار عليه ونقلبه كل شويه لما يفك ولو كان ناشف اضافة القليل من الماء والنتيجة ارز طازج ومحدش يصدق انه ارز بايت.
تسويه العدس الاصفر ويضرب ف الخلاط وفي اكياس وفي الفريزر وايضا نحمص عيش كويس ونشيله في الثلآجة لعمل الفتة وطبعا الطماطم في الفريزر واللحمةمسلوقة في الفريزر واسرع طبق فته وبالهنا والشفا
